पाठशाला न्यूज
 २०८१ माघ २६, शनिवार    

साउदी दुर्घटनामा ३ नेपाली र ९ भारतीयसहित १५ जनाको मृत्यु

२०८१ माघ १९, शनिवार ०७:५९ बजे

काठमाडौं- साउदी अरबमा सडक दुर्घटनामा परी तीन नेपाली कामदारसहित १५ जनाको मृत्यु भएको छ। जेद्दास्थित नेपाली महावाणिज्य दूतावासका सुवास यादवका अनुसार मृत्यु हुनेमा कृष्ण खत्री, रूपक कार्की र मानबहादुर राना छन्।

साउदी पश्चिमी क्षेत्रको जिजाननजिकै भएको भयानक दुर्घटनामा उनीहरूको मृत्यु भएको हो।

उनीहरूको शव सम्बन्धित कम्पनीसँग समन्वय गरेर स्वदेश पठाइने यादवले बताए।

सडक दुर्घटनामा नौ भारतीय नागरिकको पनि मृत्यु भएको द लाइभमिन्टले समाचारमा उल्लेख गरेको छ।

सोही दुर्घटनामा परी घानाका तीन जना नागरिकको मृत्यु भएको छ।

घाइते ११ जनाको अस्पतालमा उपचार भइरहेको छ। घाइतेमध्ये एक जना नेपाली छन्।

दक्षिणी बन्दराह सहर जिजानमा २६ कामदार आफ्नो कार्यस्थलमा जाँदैगर्दा उनीहरू सवार बस एक ट्रेलरसँग ठोक्किएर दुर्घटना भएको थियो।

घटनाबारे मृतकका परिवारलाई जानकारी गराइसकिएको नेपाली दुतावासले जनाएको छ।