गाजा- राहत समूह वर्ल्ड सेन्ट्रल किचनका सात जना कामदार (WCK) गाजामा इजरायली सेनाद्वारा "लक्षित आक्रमण" मा मारिए पछि यस कार्यको विश्वव्यापी निन्दा भएको छ ।
यस आक्रमणले परोपकारी संस्थाहरुलाई यस क्षेत्रमा मानविय संवेदनायुक्त क्रियाकलापहरु सम्बद्ध कार्यहरु स्थगित गर्न बाध्य पारेको छ।
डब्लुसिकेले आफ्नो टोलीका सदस्यहरू अष्ट्रेलिया, प्यालेस्टाइन, पोल्याण्ड र युनाइटेड किंगडमबाट आएको बताएको छ जसमध्ये एक जना संयुक्त राज्य अमेरिका र क्यानडाको दोहोरो नागरिक थिए।
यो डब्लुसिके बिरुद्धको आक्रमण मात्र होइन, यो मानवीय संस्थाहरूमाथिको आक्रमण हो जहाँ खाना युद्धको हतियारको रूपमा प्रयोग भइरहेको छ। "यो अक्षम्य छ। "
तर इजरायलका प्रधानमन्त्री बेन्जामिन नेतान्याहुले यस आक्रमणलाई ‘अनपेक्षित’ र ‘दुःखद’ भनेका छन् ।
"यी चीजहरू युद्धको समयमा हुन्छन्," नेतान्याहुले थप स्पष्ट पार्दै भनेका छन्। यस बिषयमा अनुसन्धान चलिरहेको र अधिकारीहरूले "यसलाई राम्ररी जाँच गरिरहेका छन्" र "यो फेरि नदोहोरियोस् भनेर सबै कुरा गर्नेछन्"।
इजरायलले गाजा पट्टीमा मानविय सहायता लिएर पुग्नेहरुको प्रवेशमा नियमित रूपमा अवरोध र गम्भीर रूपमा प्रतिबन्ध लगाएको छ र यसका सेनाहरूले खाना र अन्य आवश्यक आपूर्तिहरूको लागि लाइनमा पर्खिरहेका प्यालेस्टिनीहरूलाई गोली हानेका छन्।
"इजरायली सरकारले यो अन्धाधुन्ध हत्या रोक्नु पर्छ," शेफले गाजामा आक्रमण पछि X मा पोस्ट गर्दै भनेका छन्।
"यसले मानवीय सहायतामा प्रतिबन्ध लगाउने, नागरिक र सहायताकर्मीहरूको हत्या रोक्न र खानालाई हतियारको रूपमा प्रयोग गर्न बन्द गर्न आवश्यक छ। अझै निर्दोषको ज्यान गुमाउनु पर्दैन। शान्ति हाम्रो साझा मानवताबाट सुरु हुन्छ। यो अब सुरु गर्न आवश्यक छ," भनेका छन्।
अक्टोबर ७ देखि गाजामा इजरायली आक्रमणमा कम्तीमा हाल सम्म ३२ हजार ९ सय १६ प्यालेस्टाइनी मारिएका छन् भने ७५ हजार ४ सय ९४ जना घाइते भएका छन्। हमासको अक्टोबर ७ को हमलाबाट इजरायलमा मृत्यु हुनेको संख्या एक हजार एक सय ३९ पुगेको छ, भने दर्जनौं अझै बन्धकमा छन्।
डब्लुसिके (WCK) के हो?
डब्लुसिके(WCK) संयुक्त राज्य अमेरिकामा आधारित गैर-नाफामुखी संस्था हो जसले विश्वभरका द्वन्द्व र ठूला प्रकोपहरूमा मानिसहरूलाई प्रायः पहिलो प्रतिक्रियाकर्ताको रूपमा खुवाउने कार्य गर्दछ।
यो सन् २०१० मा स्पेनिश-अमेरिकी मिशेलिन-तारांकित शेफ जोस एन्ड्रेस र उनकी पत्नी प्याट्रिसिया फर्नान्डेज डे ला क्रुज द्वारा स्थापित गरिएको थियो।
सन् २०१० को भूकम्प पछि एन्ड्रेस दम्पतीले हाइटीको भ्रमण गरेसँगै यो संस्थाको स्थापना गरेका थिए। उक्त भुकम्पमा परि २ लाख ५० हजार भन्दा बढी मानिसहरू मारिए भने एक लाख भन्दा बढी घरबारविहीन भएका थिए। एन्ड्रेस दम्पतीले हाईटीमा स्थानीय शेफहरूसँग मिलेर शिविरहरूमा विस्थापित मानिसहरूसँगै खाना पकाउने काम गरे । साथै त्यहाँ खाना पकाउनको लागि स्थानीय भान्साहरू पनि स्थापना गरे।
एन्ड्रेस दम्पतीले यस सेवा भावयुक्त कामहरुको लागि धेरै मानवीय पुरस्कारहरू जितेका छन्। जसमा सन् २०१५ मा तत्कालीन अमेरिकी राष्ट्रपति बराक ओबामाद्वारा सम्मानित राष्ट्रिय मानविकी पदक पनि समावेश छ।
गाजामा डब्लुसिके
डब्लुसिकेले युद्द ग्रस्त क्षेत्र गाजामा स्थानिय सेफहरूसँग दक्षिणी गाजाको रफाहमा खाना पुर्याउन काम गरिरहेको छ, जहाँ लगभग १५ लाख विस्थापित प्यालेस्टिनीहरूले आश्रय लिइरहेका छन्। टोलीले इजरायल-लेबनान सिमाना लगायत इजरायलमा संकटबाट प्रभावित मानिसहरूलाई पनि खाना बितरण गर्ने कार्य गर्दै आएको छ।
यस परोपकारी संस्थाले मार्चसम्म गाजामा ३ करोड २० लाख खाना वितरण गरेको बताएको छ।
