पाठशाला न्यूज
 २०८१ माघ २६, शनिवार    

आज दिउँसो देशभर सामान्यतया मौसम सफा रहने

२०८१ माघ १९, शनिवार ०७:४० बजे

काठमाण्डौं- हाल देशमा पश्चिमी वायुको सामान्य प्रभाव रहेको छ ।

यसको प्रभावले कोशीलगायत गण्डकी, कर्णाली र सुदूरपश्चिम प्रदेशका पहाडी भूभागमा आंशिक बदली रहेको मौसम पूर्वानुमान महाशाखाले जनाएको छ ।

तराईका धेरै स्थानहरूमा हुस्सु तथा कुहिरो लागेको छ ।

शनिवार कोशी र कर्णाली प्रदेशमा आंशिक बदली रहने सम्भावना रहेको छ । अन्य प्रदेशको मौसम मुख्यतया सफा रहने छ ।

बिहानको समयमा देशका तराई तथा उपत्यकाका केही स्थानहरूमा हुस्सु तथा कुहिरोको सम्भावना रहेकोले दैनिक जनजीवन, कृषि, स्वास्थ्य, यातायात तथा हवाई उडानमा असर पर्न सक्ने हुनाले आवश्यक सतर्कता अपनाउन महाशाखाले अनुरोध गरेको छ ।