कविता
युगल गीत
- आलोक कोईराला
एउटा युगल गीत
हामीले सँगै गाउने भन्यौं
बिना हतारको
पलपल लय, ताल, सुर र संगित भर्यौ
अन्तिम रियाजमा
मेरो स्वर तिमिलाई अनायास
अलिक बेसुरा लाग्यो
र, त्यो गीत तिमिले त्यत्तिकै
अधुरो अपुरो छोडीगयौ
तिमिले छोडी गएको
त्यो गीत , त्यो संगित
त्यो लय र तालको संगम
यो मनको आलमारीमा आजसम्म
उसैगरी थपक्क बसेको छ
नगाईएको त्यो गीत
नछेडिएको त्यो सरगमले
जीवन न उजाड छ , न उदास
न एक्लो छ , न बरवाद
तर पनि , यदाकदा एक निमेष
मनको मिहिन सन्नाटामा उभिएर
सोच्ने गर्छु ....
उफ...त्यो गीत हामीले सँगै गाउन सकेको भए ??
उफ.. त्यो गीत हामीले सँगै गाउन सकेको भए ??