पाठशाला न्यूज
 २०८१ बैशाख २२, शनिबार    

भारतीय क्षेत्रको गहुँ खेतमा लगाइएको आगोको झिल्का उछिट्टिएर पर्सा जिल्लाको एक घरमा आगलागी

२०८१ बैशाख ८, शनिबार १८:३३ बजे

जलेश्वर सर्राफ 

वीरगंज- पर्सा जिल्ला छिपहरमाई गाउँपालिकामा –१ भलुवहिया टोलमा आज दिउँसो आगलागी भएको छ ।भलुवहिया टोलसँग सिमा जोडिएको भारतीय जिल्लाको बसनपुरस्थित गँहु खेतमा लगाइएको आगोको झिल्का उछिट्टिएर भलुवहिया टोलस्थित एक घरमा सल्केको प्रहरीले जनाएको छ ।

भलुवहिया टोलमा लागेको आगलागीबाट कुखुरा फर्म र केहि घरहरू पूर्णरूपले जलेर नष्ट भएको प्रहरीले जनायो । आगलागीबाट भएको क्षतिवारे विवरण आइनसकेको मिर्जापुर प्रहरी चौकीले जनाएको छ । प्रहरीका अनुसार अहिले प्रहरी, स्थानीयबासिन्दा तथा दमकलको सहयोग आयो नियन्त्रणमा लिने कार्य भइरहेको छ ।