काठमाडौं- इजरायलले बिहीबार गाजामा विगत ६ दिनमा ४,००० टन तौलका ६,००० बम खसालेको र १,४०० भन्दा बढी व्यक्तिको मृत्यु भएको बताएको छ ।
गाजाका अधिकारीहरूले मृत्यु हुनेमा ४४७ बालबालिका, २४८ महिला र १० स्वास्थ्यकर्मी रहेको बताएका छन् । बिहीबार मात्रै १५० भन्दा बढीको ज्यान गएको थियो भने गाजाका ३ लाख ३८ हजार प्यालेस्टिनीहरूलाई आफ्नो घर छोडेर शरण लिन बाध्य पारेको छ।
प्यालेस्टाइनी स्वास्थ्य मन्त्रालयका अनुसार कब्जा गरिएको वेस्ट बैंकमा मृत्यु हुनेको सङ्ख्या ३१ पुगेको छ भने ६०० भन्दा बढी घाइते भएका छन्।
इजरायली पक्षमा, सशस्त्र प्यालेस्टिनी समूह हमासले शनिबार दक्षिणी इजरायलमा हमला गरेपछि कम्तिमा १,३०० व्यक्तिको मृत्यु भइसकेको छ र कम्तिमा १०० जनालाई बन्दी बनाएको छ।
इजरायलले गाजामा पूर्ण नाकाबन्दी लगाएको छ । खाद्यान्न, पानी, औषधि र इन्धनको पहुँचमा कटौती गरेको छ भने इजरायली सेनाहरूले थल युद्धको समेत तयारी गरिरहेका छन्।