मुम्बई–रकी र रानीकी प्रेम कथाले राम्रो कमाइ जारी राखेको छ । फिल्मले आठौँ दिन अर्थात् गत शुक्रबार सम्म ६ करोड ९० करोड कमाएको छ । अहिले फिल्मको कुल कलेक्सन ८०.२३ करोड पुगेको छ । फिल्मले आफ्नो पहिलो साता सफलतापूर्वक बिताएको छ । अहिले साताको दिनमा पनि फिल्मले राम्रो कमाइ गरिरहेको छ । दोस्रो सप्ताहन्त अर्थात् शनिबार र आइतबार आम्दानी बढ्न सक्ने अनुमान गरिएको छ ।
गदर–२ अगस्ट ११ मा रिलिज हुँदैछ । यसबाहेक ओएमजी–२ पनि सोही दिन रिलिज हुने कार्यक्रम छ । रकी–रानीका लागि यो साता अहिले खाली छ । यी दुवै चलचित्रले राम्रो प्रतिक्रिया पाए भने रकी–रानीको कमाइमा ठुलो वृद्धि नहुन सक्छ । नयाँ फिल्म आएपछि पुराना फिल्मको क्रेज निकै कम हुन्छ ।
दर्शकले रकी(रानीलाई मन पराउने निश्चित भए पनि चलचित्र यति छिट्टै हलबाट नउत्रन सक्छ । रणवीर सिंहले रकी र रानीबाट धेरै आशा राखेका छन्। उनका पछिल्ला दुई फिल्म सुपर फ्लप भएका छन् । रोहित शेट्टी निर्देशित सर्कसले ३५.६५ करोड मात्रै कमाउन सकेको थियो ।
जयेशभाई जोरदारको अवस्था त्योभन्दा पनि नाजुक थियो । यसले बक्स अफिसमा १५.५९ करोड मात्रै कमाएको थियो । फिल्म ‘८३’ औसत थियो भने गली ब्वायले राम्रो व्यापार गरेको थियो । रकी र रानीको अहिलेसम्मको कलेक्शन राम्रो छ । अब फिल्मको कमाइ आगामी दिनमा बढ्छ कि बढ्दैन त्यो भने चासोको विषय हो ।
