काठमाडौं- गएराति काठमाडौंको थापागाउँबाट मादक पदार्थ सेवन गरी होहल्ला गरेको आरोपमा गायक राजेशपायल राईसहित ८ जना पक्राउ परेका छन् ।
मदिरा पिएर राईसहित ८ जनाले होहल्ला गरेपछि स्थानियहरुले होहल्ला नगर्न आग्रह गर्दा अटेर गरेपछि प्रहरीले उनीसहित ८ जनालाई बिहीबार बिहान २ बजे नियन्त्रणमा लिएको प्रहरी वृत्त परिसर बानेश्वरले जनाएको छ ।
उनीहरूलाई अहिले प्रहरी वृत्त परिसर बानेश्वरमा राखिएको छ । मदिरा पिएर होहल्ला गरेपछि स्थानीयले प्रहरीलाई खबर गरेका थिए ।
पक्राउ पर्नेमा तीन कलाकार छन् । अन्यको नाम भने खुलाइएको छैन ।